జీవితంలో ఎదురొచ్చే ప్రశ్నలకు
ప్రతిసారీ ఓ జవాబు అవసరమా?
లేదేమో…

జరిగేది ముందే తెలిసుంటే,
జాగ్రత్తలు మన దారి చూసేవి కదా…
కానీ ఎందుకు తెలియదు ?బహుశా
విధిరాత రాసిన అక్షరాల వంకనేమో…

కన్నీటి వెనుక దాగిన కోణాలు,
నవ్వుల వెనుక మిగిలిన బాధలు,
అన్నీ ప్రశ్నలే…
ఆ ప్రశ్నలకి సమాధానం అవసరమా?
లేదేమో…

ప్రతి ప్రశ్నకు ఒక కథ ఉంది,
అది మన కథ అయినా,
మనకు తెలియని వేదన అయినా…
ఆ ప్రశ్నలు మనతోనే ఉంటాయి,
నిశ్శబ్దంగా మనల్ని చూస్తూనే ఉంటాయి

ప్రతి ప్రశ్నకు జవాబు ఉండకపోవచ్చు,
కానీ ప్రతి ప్రశ్న మనలో మార్పును తెస్తుంది ఏమో…